نیویارک :مردمی اگبالانی گل ایمنسٹی انٹرنیشنل ءَ پلستینی زھگانی پھریزگ ءِ لوٹ چہ اسرائیل ءَ کُرتگ۔آئی وتی درشانی ءَ گْوشتگ کہ کودکیں زھگانی کسانی ءَ چہ آیاں پچ مہ گِر،کینگ ءُ زوراکی ءَ بند بہ کن ءِ پلستینی زھگانی پھریز ءَ بہ کن۔ھپت سال ءِ اُمر ءَ چہ وتی اھوالکاری ءَ جھان ءَ آژنا بیتگیں پلستینی جنک جنی جھاد ءِ کسہ ایمنسٹی ءِ نوکیں تُکشام ءِ بھر جوڑ بیتگ۔جنی جھاد چہ وتی تامُر بنداں اسرائیلی لشکر ءِ زوراکی ءِ اسل چھرگ جھان ءِ دیم ءَ آژنا کُرتگ۔اھوالکاری ءِ گِر ءُ دار کنگ ءَ اسرائیلی لشکر ءَ تیرگْواری کُرتگ،کیمرہ پروشتگ بلے کودکیں پلستینی جنک وتی کول ءِ سر ءَ اوشتاتگ۔جنی ءِ پیمیں ھزاراں زھگانی پھریزگ ءَ ایمنسٹی ءَ چہ سرجمیں جھان ءِ مردماں اسرائیل ءِ بگیری ءَ زھرشانی تُکشام ءِ بھر جوڑ بیگ ءِ لوٹ کُرتگ۔
بنشون: مانیٹرینگ ڈسک/اکس:دامگ
