وائس پار بلوچ مسنگ پرسن ( وی بی ایم پی ) ءِ کارگشاد ھوران بلوچ ءَ گوشتگ کہ اریچ تاج کرد ءَ گوں وی بی این پی ءَ رھوت کرتگ ءُ گوشتگ کہ آئی برات اسد کرد ء زپر اللہ کرد یک نودربرے، ھمے سال ءِ پنچ پروری ءِ شپ ءَ سی ٹی ڈی ءُ چیریں ادارھانی کارمنداں چہ بروری دگ شال ءَ درکانودی آوار جنگ ءَ پد بیگواہ کرتگ ءُ برات ءِ بابت ءَ مارا ھچ وڑیں سرپدی دیگ ءَ نہ اَنت، چہ ایشی سوب ءَ مئے کھول جنجالانی دیمپان اِنت۔
آئی ءَ گوں سرکار ءَ لوٹ کرتگ کہ منی برات ءِ سلامتی ءِ بابت ءَ مارا سرپدی بدے اِت۔
اسد کرد ءِ کھول ءَ گوں انسانی ھکانی ادارھاں لوٹ کرتگ کہ آ پہ اسد کرد ءِ آجوئی ءَ توار چست بہ کن اَنت۔
ھوران بلوچ ءَ گوں سرکار ءَ لوٹ کرتگ کہ اسد کرد ءِ سر ءَ چونیں ھم بھتامے ھست گڑا دیم ءَ آرگ ءُکانودی ھک دیگ بہ بیت، اگاں آ بے میار اِنت کہ پہ آئی آجوئی ءَ وتی کرد ءَ پیلو بہ کن اِت ءُ کھول ءَ چہ اے رنجاں آجو بہ کن اِت۔
بنشون: وی بی ایم پی. اکس: وی بی ایم پی
