یونائیٹڈ اپگاں پرنٹ (یو اے ای) ءَ بلوچ نیشنل موومنٹ (بی این ایم) ءِ چیئرمین ڈاکٹر نسیم بلوچ ءِ پت مھمد بکش ساجدی ءُ آئی ناکو نئیم ساجدی ءُ رپیک بلوچ ءِ زوریں بیگواھی گوں ترندیں دانکاں ایر جتگ۔
آئی گوشگ اِنت کہ ھالانی رد ءَ سے ئیں مردم چہ بلوچستان ءِ ھند ھب چوکی ءَ بوتگ اَنت کہ 2 پروری 2026 ءَ پاکستانی پوج ءَ چہ گس ءَ بے ارزی ءُ بے بھتام ءَ آوار جتگ اَنت، چہ ایشی ءَ پد آیانی بابت ءَ ھچ سرپدی دیگ ءَ نہ اَنت۔
آئی ءَ گوشتگ کہ یونائیٹڈ اپگان پرنٹ اے ناگیگیں جاورانی میان ءَ گوں ڈاکٹر نسیم بلوچ ءُ بلوچ نیشنل موومنٹ ءَ یکجھتی کنت۔ ڈاکٹر نسیم بلوچ یک پر ایمنیں سیاسی سروک ءُ انسانی ھکانی پد جنوکے ءُ آئی سیاسی سرگرمی میان استمانی انسانی ھکانی کانود ءِ رد ءَ اَنت۔
آئی ءَ گوشتگ کہ ڈاکٹر نسیم بلوچ ءِ کھول ءِ بگیری ءَ بوتگیں کاروائی بلوچستان ءَ سیاسی ایرادگریانی پہ دارگ ءَ ترسینگ ءُ زوراکیاں پیش دار ایت۔
آئی ءَ گوں اکوام متھدہ ءُ میان استمانی تک ءَ لوٹ کرتگ کہ پہ مھمد بکش ساجدی، نئیم ساجدی ءُ رپیک ساجدی ءِ زوتیں آجوئی ءَ وتی کرد ءَ پیلو بہ کن اِت۔
بنشون؛ درشان اکس: مونوگرام
