وائس پار بلوچ مسنگ پرسن (وی بی ایم پی) ءَ وتی درشانے ءَ بژن درشان کرتگ ءُ گشتگ کہ بلوچستان ءِ ھند ھب چوکی ءَ پاکستانی پوج ءَ شپ ءِ سے ءَ بیڑ برتگ ءُ بلوچ نیشنل موومنٹ ( بی این ایم ) ءِ چیئرمین ڈاکٹر نسیم بلوچ ءِ پس ءُ ناکو آوار جتگ ءُ بیگواہ کرتگ۔
کھول ءِ رد ءَ 2 پروری ءِ سھب ءِ سے ءَ پاکستانی پوج ءَ ھب چوکی ءِ بازیں ھنداں بیڑ برتگ۔ ھمے وھد ءَ پاکستانی پوج ءَ ریٹائرڈ ڈپٹی کمشنر مھمد بکش ساجدی ،آئی براس نئیم ساجدی ءُ بلوچستان ءِ سوئی گیس انجیئر ءِ گوستگیں چیپ رپیک بلوچ آوار جتگ ءُ بیگواہ کرتگ اَنت۔
وی بی ایم پی ءِ چیرمین نسراللہ بلوچ ءَ مھمد بکش ساجدی نئیم ساجدی ءُ رپیک بلوچ ءِ زوریں بیگواھی ءِ سر ءَ بژن درشان کرتگ ءُ آیانی زوتیں آجوئی ءُ کانودی کاروائی ءِ لوٹ کرتگ۔
بنشون: درشان. اکس: مونوگرام
