آواران ءِ ھند پیراندر ءَ پاکستانی پوج ءَ زوراکی کرتگ ءُ گس ڈیرینگ اَنت۔
زرمبش جھگیر ءِ رد ءَ پوج ءَ پیراندر ءَ بیڑ برتگ ءُ گوں زھگ ءُ زالبولاں زوراکی کرتگ ءُ آزار داتگ اَنت۔ اسمائیل بلوچ نامیں مردمے ءِ گس ٹکٹر ءِ سر ءَ ڈرینتگ اَنت۔
ھندی بنشون ءِ رد ءَ پوج ءَ اسمائیل ءِ گس 25 جنوری ءَ ڈیرینتگ اَنت، چہ نیٹورک ءِ بندی ءِ سوب ءَ ھال شنگ نہ بوتگ۔
آئی گوشگ اِنت کہ اسمائیل بلوچ آواران ءِ کوہ پسہ ھیل ءِ جاہ منند اِنت کہ دیر اِنت پوج ءَ چہ کوہ ءَ پہ زور لڈینتگ ءُ پیراندر ءَ آوارتگ۔
زرمبش جھگیر ءِ گوشگ اِنت کہ چہ ایشی ءَ سے روچ پیش پیراندر ءَ پاکستانی پوج ءَ بلوچ راجدوستیں جھدکار لیاکت ساجدی ءِ گس ڈیرینگ بوتگ اَنت۔
