تمپ ءِ ھند پل آباد ءَ پاکستانی پوج ءِ مارٹر آس دیگ ءَ دو زھگ بیران ءُ زالبولے ٹپی بوتگ۔
زرمبش جھگیر ءِ رد ءَ پاکستانی پوج ءَ تمپ ءِ میتگ پل آباد ءَ گسانی سر ءَ مارٹر گولا آس داتگ کہ یک گولایے کادر نامیں مردمے ءِ گس ءَ کپتگ کہ چہ ایشی ءَ دو زھگ مرواہ ء کادر ءُ انس ء ابراھیم بیران ءُ کادر ءِ لوگبانک سئیدہ ٹپی بوتگ۔
بیران بوتگیں زھگانی لاش ءُ ٹپی بوتگیں زالبول نادراھجاہ ءَ برگ بوتگ اَنت۔ بیران بوتگیں زھگانی لاش پہ ھژدری چار ءُ ٹپاس کنگ ءَ پد کھول ءِ دست ءَ دیگ بوتگ اَنت۔
