ھب چوکی: ماھے پیش پجار نہ بوتگیں سلاہ بندیں مردمانی دست ءَ بیگواہ کنگ بوتگیں کوس بکش ءِ گھاررکسانہ ءَ گوں بلوچ راج ءَ پہ وتی برات ءِ آجوئی ءَ توار چست کنگ ءِ لوٹ کرتگ۔
![](https://zrumbesh.com/wp-content/uploads/2024/01/1000211243.jpg)
آئی ءِ گوشگ اِنت کہ 19 دسمبر 2023 ءَ گوس بکش ء ولی مھمد ءَ چہ ھاران ءِ پلک تاک ءَ پجار نہ بوتگیں سلاہ بندیں مردماں آوار جتگ ءُ برتگ، بلے ما نزانیں کہ کے ءَ کجام میار ءَ برتگ۔
رکسانہ ءَ گوشتگ کہ من گوں راج ءَ دزبندی کناں کہ پہ منی برات ءَ توار چست بہ کنت، منی برات ءِ گون ءَ دگہ دو مردم آوار جنگ بوتگ۔ چہ آیاں یکے لاش دزکپتگ ءُ یکے انگت ءَ منی برات ءِ ھمراھی ءَ بیگواہ اِنت۔
آئی ءَ گوشتگ کہ من گوں سرکار ءُ ھاران ءِ واکداراں دزبندی کناں منی برات ءَ پہ سلامتی مئے دست ءَ بدے اَنت۔ منی برات چہ شمئے کار ءِ جاہ ءَ بیگواہ کنگ بوتگ۔
کھول ءِ گوشگ اِنت کہ گوس بکش مزن ھور ءِ شیکانی گاڑی ءِ ڈرائیور بوتگ ءُ ھاران ءَ آتک چہ ھاران ءَ بیگواہ کنگ بوتگ۔