آواران ءِ ھند پیراندر ءَ پاکستانی پوج ءَ بلوچ راجدوستین جھدکار لیاکت ساجدی ءِ گس ءَ بیڑ برتگ ءُ گس ڈیرینتگ اَنت۔
زرمبش جھگیر ءِ رد ءَ پوج ءَ مرچی پیراندر ءِ میتگ زیلگ ءَ بیڑ برتگ ءُ لیاکت ساجدی ءُ آدگہ مردمانی جست ءُ پد کرتگ ءُ رند ءَ آئی گس ڈوزر کرتگ ءُ ڈیرینتگ اَنت۔
چہ ایشی ءَ پیش ھم پاکستانی پوج ءَ 2019 ءَ لیاکت ساجدی ءِ لوگبانک ءُ کسانیں زھگ ءَ ھوار کھول ءِ دگہ زھگ ءُ زالبول آوار جتگ ءُ رند ءَ یل داتگ اَنت۔
دومی رند ءَ پاکستانی پوج ءَ لیاکت ساجدی ءِ گھار ءُ کھول ءِ دگہ زالبولے ھم آوار جتگ ءُ رند ءَ یل داتگ اَت۔
ھندی بنشون ءِ رد ءَ لیاکت ساجدی ءِ کھول مدام پاکستانی پوج ءِ زوراکیانی آماچ اِنت ءُ ھمک وھد ءَ پوج بیڑ برگ ءُ مردماں دلسیاہ کنگ ءَ اِنت۔
