کیچ ءِ ھند زامران ءَ سلاہ بندیں مردمانی دست ءَ آوار جنگ بوتگیں ملا رزاک ءِ لاش دزکپتگ۔
بنشون ءِ رد ءَ کشگ بوتگیں ملا رزاک ء داد مھمد زامران نوانو ءِ جھمنند اِنت ءُ زی وتی ڈگارانی سر ءَ شتگ ءُ واتر گس ءَ آھگ ءَ بوتگ کہ سلاہ بندیں مردماں آوار جتگ ءُ گوں وت برتگ۔ مرچی آئی لاش دزکپتگ۔
انچوش گمان کنگ بوگ ءَ اِنت کہ ملا رزاک کشندہ ٹولی ءَ آوار جنگ ءَ پد کشتگ ءُ آئی لاش چگل داتگ۔
چوش کہ سیزدہ جنوری ءَ کشندہ ٹولی ءِ کارمنداں چہ پَنجگُور ءَ زوھیب بلوچ آوار جتگ اَت ءُ زی آئی لاش پَنجگُور ءِ ھند بونستان ءَ چگل داتگ اَت۔
زی چہ کولواہ ءَ ڈاکٹر زریپ بلوچ کشندہ ٹولی ءَ آوار جتگ ءُ دوشی آئی لاش چگل داتگ۔
