بلوچ لبریشن آرمی (بی ایل اے) ءِ جارکش جیئند بلوچ ءَ وتی درشانے ءَ گوشتگ کہ سرمچاراں پَنجگُور ءُ کیچ ءَ زورگریں پاکستانی پوج ءُ آئی شوربندی دو جتائیں اُرشاں نشانگ کرتگ ءُ تاوان داتگ اَنت۔
آئی گوشتگ کہ بی ایل اے ءِ سرمچاراں یازدہ جنوری ءَ پَنجگُور ءِ ھند کاٹاگری ءَ زورگریں پاکستانی پوج ءِ پیادگیں کارمند گوں چیرکرتگیں شورھاں نشانگ کرتگ اَنت کہ تراک ءِ آسر ءَ پاکستانی پوج ءِ دو کارمند جاھی مرتگ۔
آئی گوشتگ کہ یک دگہ اُرشے ءَ بی ایل اے ءِ سرمچاراں 13 جنوری ءِ روچ ءَ کیچ ءِ ھند دشت، کنری ءَ سی پیک شھدگ ءَ زورگریں پاکستانی پوج ءِ نیمگ ءَ جتگیں ٹاور گوں تراکناکیں شورھاں تباہ کرتگ ءُ ٹاور ءِ سر ءَ جتگیں کیمرہ ھم سرمچاراں تباہ کرتگ اَنت۔
آئی گوشتگ کہ ھمے میان ءَ پاکستانی پوج ءَ دیم ءَ آیگ ءِ جھد کرتگ کہ سرمچاراں دژمنیں پوج پدکنزینتگ۔ لگوریں دژمن ءَ چہ دور ءَ جتائیں نیمگاں لھتیں مارٹر ءِ گولا آس داتگ بلے سرمچار گوں وتی جنگی رپکاں پہ سلامتی درکپگ ءَ سوبین بوتگ اَنت۔
جیئند بلوچ ءَ درشان ءِ گڈی ءَ اے اُرشانی زمہ واری من اِتگ۔
