بلوچ راجی آجوئی سنگر (براس ) ءَوتی پاری ئیں کاروائیانی رپورٹ شنگ کرتگ ءُ گوشتگ کہ براس ءَ 2025 ءِ میان ءَ 174 ارش کرتگ ۔ اے ارشانی آسر ءَ 167 پاکستانی پوج ءِ کارمند مرتگ ءُ 95 ٹپی بوتگ 26 مردم دزگیر کرتگ آیانی تہ ءَ پاکستانی پوج ءِ چیریں اداراھانی کارمند ھم ھوار اَنت۔
رپورٹ ءِ رد ءَ 2025 ءَ 35 تراک، چاردہ جاہ ءَ بیڑ برتگ ءُ کاروائی کرتگ، 35 انگیریں آپریشن کرتگ، پانزدہ شوربندی نشانگ کرتگ۔
آئی ءَ گوشتگ کہ 30 سرکاری ءُ پوجی گاڑی تباہ کرتگ، دژمن ءِ 51 سلاہ دستیگ کرتگ۔
رپورٹ ءِ رد ءَ اگست 2025 ءَ ھزدار ءِ ھند زھری براس ءَ داں یک ماھے ءَ گیش دستیگ کرتگ۔ ھمے میان ءَ پاکستانی پوج ءِ سر ءَ ترندیں ارش کنگ بوتگ۔ بازیں کچے ءَ گاڑی، سلاہ ءُ آدگہ سامان دستیگ کرتگ اَنت۔
رپورٹ ءَ گوشگ بوتگ کہ ھمے سال ءِ میان ءَ جنگولاں دمگ ءَ تر ءُ گرد کرتگ ءُ گوں مردماں تران کرتگ۔
