کیچ ءِ ھند ھوت آباد ءَ پاکستانی پوج ءَ باز مردم آوار جنگ ءَ پد بیگواہ کرتگ۔
زرمبش جھگیر ءِ رد ءَ چہ بیگواھیں مردماں ھبدہ مردم ءِ نام ریاز بلوچ ء یاکوب، الاھی بکش ء ھامد الی، سلام ء ھالد، سگیر ء الاھی بکش، ریاز ء ھسن، کاشپ ء اژّوب، داد کریم، جلیل، شاہ جان ء جما ھان، مسود ء یاسین، یار جان ء باھوٹ، ساجد ء برکت، سراج ء برکت، ھسرت ء ھاسل، امیر ء گپور، پازل ء رپیک، آرپ گلام ءُ نزیر ء یلان اِنت۔
انچوش گوشگ بوگ ءَ اِنت کہ بیگواھیں مردم انگت ءَ گیشتر اَنت۔ پہ آدگرانی پجارگ ءَ مئے جست ءُ پرس برجاہ اِنت۔
چوش کہ بلوچستان ءِ تہ ءَ پاکستانی پوج ءِ نیمگ ءَ زوریں بیگواھی گوں ترندی ءَ برجاہ اِنت۔ ھمک روچ چہ بلوچستان ءِ جتائیں ھند ءُ دمگاں پوج ءُ آئی چیریں ادارھانی دست ءَ مردم بیگواہ کنگ بوگ ءَ اَنت۔
