چہ آواران ءَ پاکستانی پوج ءِ دست ءَ بیگواہ کنگ بوتگیں دو مردم ءِ تیرسپتگیں لاش دزکپتگ۔
زرمبش جھگیر ءِ رد ءَ کشگ بوتگیں مردمانی نام ایاز بلوچ ء دوست مھمد ءُ زریپ اھمد ء مستری پکیر مھمد اِنت کہ دوئیں مردم آواران ءِ ھند کولواہ ءِ جاہ منند اَنت۔ دوئیں مردم پاکستانی پوج ءَ پاری آوار جنگ ءَ پد بیگواہ کرتگ اَنت۔
کشگ بوتگیں ایاز بلوچ کولواہ، گیشکور ءِ میتگ سنڈم ءِ جاہ منند اِنت کہ پاکستانی پوج ءَ 16 اکتوبر 2025 ءَ گوں دگہ امداد بلوچ نامیں ورنایے ءَ بنجل ءَ لوٹائینتگ ءُ بیگواہ کرتگ اِت اَنت۔ دوئیں مردمانی لاش مرچی چہ آواران بریت ءَ دزکپتگ اَنت۔
زریپ اھمد کولواہ ءِ ھند مالار سیاہ کل ءِ جاہ منند اِنت کہ پاکستانی پوج ءَ 28 ءُ 29 ستمبر ءِ میانی شپ ءَ چہ گس ءَ گوں دگہ آدم ھسین ء ابداللہ نامیں ورنایے آور جتگ ءُ بیگواہ کرتگ اَت۔ آدم ھسین آجو بوتگ ءُ زریپ اھمد ءِ لاش چگل دیگ بوتگ۔
