پَنجگُور ءِ ھند چتکان بازار ءَ بمب تراکے ءَ مردمے بیران ءُ زھگاں ھوار دوازدہ ٹپی بوتگ۔
بنشون ءِ رد ءَ بمب تراک جامہ مسیت دگ ءِ نزیک ءَ بوتگ کہ تراکناکیں شورہ موٹرسائیکلے ءَ بندوک بوتگ اَنت۔ تراک ءِ آسر ءَ یک مردمے بیران ءُ دو زھگاں ھوار دوازدہ مردم ٹپی بوتگ۔
بیران بوتگیں مردم ءِ لاش ءُ ٹپی بوتگیں مردم نادراھجاراہ ءَ برگ بوتگ اَنت کہ چہ آیاں باز مردم ءِ جاور ناگیگ اَنت۔
تراک ءَ پد پاکستانی پوج ءِ کارمند بازیں کچے ءَ تراک ءِ جاہ آتکگ ءُ پٹ ءُ پول بندات کرتگ۔
اُرش ءِ زمہ واری انگت ھچ گل ءَ نہ زرتگ۔
