کیچ ءِ ھند مند ءَ پاکستانی پوج ءِ جوڑ کرتگیں کشندہ ٹولی ءِ کارمند گسانی سر ءَ وتسر ءَ تیرگواری کنگ ءُ مردماں ترسینگ ءَ اَنت۔
زرمبش جھگیر ءِ رد ءَ دوشی دوازدہ ءَ کشندہ ٹولی ءِ کارمنداں مند ءِ میتگ بلوچ آباد ءَ گسانی سر ءَ تیرگواری کرتگ ءُ راکٹ آس داتگ۔ چہ وتسریں تیرگواری ءُ مارٹر گولا آس دیگ ءَ میتگ ءِ مردم ترس آماچ بوتگ اَنت۔
آیانی گوشگ اِنت کہ گسانی دیم ءَ کوہ ءِ سر ءَ پاکستانی پوج ءِ چوکی اِنت۔ آ ھم شپانی پاساں وتسر ءَ تیرگواری کنت۔ چہ ایشی ءَ ابید کشندہ ٹولی ءِ کارمند گسانی نزیک ءَ اوشتگ ءُ تیرگواری کنگ ءُ مردماں ترسینگ ءَ اَنت۔
