بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ وتی شنگ کرتگیں درشانے ءَ گوشتگ کہ 23 دسمبر ءِ بیگاہ ءِ پنچ ءَ بی ایل ایپ ءِ سرمچاراں کولواہ ءِھند کنیچی ءَ پاکستانی پوج ھما وھد ءَ نشانگ کرتگ کہ آ نزیکیں ھنداں لشکرکشی کنگءَ پد واتری وتی بنجل ءَ سر بوتگ۔سرمچاراں گوں مزنیں سلاھاں ارش کرتگ کہ ایشی آسر ءَ پوج ءُ گاڑیاں تاوان بوتگ۔ سرمچاراں ارش داں نیم ادارے ءَ برجاہ دارشتگ۔
آئی ءَ گوشتگ کہ 12 نومبر 2025ءَ بی ایل ایپ ءِ سرمچارں گل ءِ چیریں بھرگ ءِ ھال دیگ ءِ بنیاد ءَکاروائی کرتگ ءُ زاھد ء نودی کہ سنڈم گیشکور ءِ جاہ منند اِنت چہ ھور ءَ دزگیر کرتگ۔ رند ءَ گل ءِ جست ءُ پرسی ٹولی ءَ جست ءُ پرس کرتگ۔
جارکش ءَ گوشتگ کہ جست ءُ پرس ءِ میان ءَ زاھد نودی ءَ من اتگ کہ آ چہ اگست 2024 ءَ پہ پوج ءَ چاریگی کنگ ءَ اِنت۔آ پنچ برءَ جتائیں جاھاں سرمچارانی بگیری ءَ دگ بندی ءَ گوں بوتگ۔
آئی ءَ گوشتگ کہ زاھد نودی ءِ سر ءَ بوتگیں بھتانی راست بوگ ءَ پد گل ءِ انساپی ادارہ ءَ مرگ ءِ سزا ءِ پیسلہ کرتگ، گڑا 22 دسمبر ءِ بیگاہ ءِ شش ءَ گیشکور ءِ ھند گراڈی ءَ زاھدی نودی کشگ بوتگ۔
جارکش ءَ گوشتگ کہ بی ایل ایپ چہ زاھدی نودی ءَ دزکپتگیں ھالانی بنیاد ءَ آدگہ راج دژمنیں ناشرکارانی بگیری ءَ زوت کاروائی کنت۔
جارکش ءَ گوشتگ کہ اے ھند ءَ بلوچ راجی زرمبشت ءِ بگیری ءَ سرگرم کنگءُ مردمانی کشندہ ٹولی ءَ ھوار کنگ، آیانی زمہ واری دیگ ءِ کار ءَ جیئند ساجدی کنگءَ اِنت۔
میجر گھرام بلوچ ءَ درشان ءِ گڈی ءَ دوئیں کاروائیانی زمہ واری من اتگ۔
