چہ ھب چوکی ءَ پاکستانی پوج ءِ دست ءَ زور بیگواھیں زالبولاں ھوار چار مردمانی کھولاں پہ وتی مردمانی آجوئی ءَ کیچ ءِ ھند تجابان ءَ زھرشانی ءَ سی پیک دگ بند کرتگ۔ زھرشانی ءَ جنینءُ زھگاں ھوار مردماں بازیں کچے ءَ بھر زرتگ۔
پاکستانی پوج ءِ دست ءَ زور بیگواھیں مردمانی نام پرید اجاز مجاھد ء دلوش ، ھانی بلوچ ء دلوش ءُھیر النسا ء واھد اِنت کہ اے چاریں یکیں کھول ءِ مردم اَنت۔
پرید اجازءُ مجاھد دلوش چہ کیچ ءَ آوار جنگءُ بیگواہ کنگ بوتگ اَنت ءُھیر النسا ءُ ھانی چہ ھپ چوکی ءَ آوار جنگ بوتگ اَنت۔
زھرشانی کنوکیں مردمانی گوشگ اِنت کہ ھیر النسا ءِ امر ھبدہ سال اِنت ءُ پرسٹ ایئر ءِ نودربرے کہ آ وتی موکلاں ھب چوکی ءَ اتکگ چہ ھمود ءَ آوار جنگ ءُ بیگواہ کنگ بوتگ۔
زھرشانی کنوکیں مردمانی گوشگ اِنت دانکہ مئے زھگ آجو نہ بوتگ اَنت ما وتی زھرشانی ءَ برجاہ دار ایں۔
