بلوچستان لبریشن پرنٹ(بی ایل ایپ) ءِ جارکش میجر گھرام بلوچ ءَ وتی شنگ کرتگیں درشانے ءَ گوشتگ کہ سرمچاراں 23 اکتوبر 2025 ءَ نال ءِ ھند کلیڑی ءَ یک بندساچی شرکتے ءِ بنجل ءِ سر ءَ اُرش کرتگ ءُ اود ءَ ٹوھیں مشین ءُ سامان تاوان داتگ ءُ اود ءَ ساڑی ئیں کنسٹرکشن کمپنی ءِ 19 کارمند دزگیر کرتگ۔
آئی ءَ گوشتگ کہ اے وھد ءَ زورگریں پاکستانی پوج ءَ جتائیں وھداں ھمے ھنداں جھلی ءُ برزی لشکر کشی کرتگ ءُ آ ئی مول گل ءِ کر ءَ بندیگیں مردمانی تاوان دیگ اَت۔ بلے سرمچاراں دژمن ءِ درسیں جھد بے سوب کرتگ ءُ بازیں جنجالاں ابید دزگیریں مردم رکینتگ اَنت۔
آئی گوشتگ کہ دزگیر کرتگیں مردماں گیشتر ھمساھگین ءُ برات گونگیں سندی راج ءِ سیادی داروکیں بوتگ اَنت۔ چہ ھمے سوب ءَ سند آجوئی لوٹوکیں گل ایس آر اے ءَ ھوار جتائیں راجدوست ءُ انسان دوستیں ٹولی ءُ مردمانی نیمگ ءَ پہ آیانی یل کنگ ءَ لوٹ کنگ بوتگ۔ راجدوستیں گل، براس ءَ ھواریں ایس آر اے ءِ سروک ءِ لوٹ ءُ بلوچ، سندی راجء گوستانکی ِ شرپ کرتگ ءُ گل ءَ دزگیر کرتگیں سندی کارمند گوں شرپ ءَ یل داتگ اَنت کہ آ وتی کھولانی کرا سر بوتگ اَنت۔
آئی گوشتگ کہ ھمے وڑ ءَ دوازدہ دسمبر ءَ بیسیمگ ءَ دگ بندی ءِ میان ءَ بی ایل ایپ ءِ سرمچاراں پاکستانی ادارہ کسٹم ءِ دو کارمند دزگیر کرتگ اَت۔ سیاسی مردمانی لوٹ ءُ انسانی ھمدردی ءِ رد ءَ دزگیر کرتگیں مردمانی شریں وڑے ءَ ھیال داری کنگ بوتگ ءُ جست ءُ پرس ءِ سرجم بوگ ءَ پد دوئیں پہ سلامتی یل کنگ بوتگ اَنت۔
میجر گھرام بلوچ ءَ گوشتگ کہ بی ایل ایپ ءَ دزگیر کرتگیں درسیں مردم پہ سلامتی یل کرتگ اَنت۔ یک زمہ واریں گلے ءِ بستار ءَ چونیں ھم مردمے ءَ تاوان نہ دنت کہ آ بلوچ راج ءِ دژمنی ءَ ھوار نہ اِنت۔ ما گوں ھمساھگیں راج، سندی، پشتوناں لوٹ کن ایں کہ آ سرجمیں بلوچستان ءَ زورگریں پاکستان ءِ شوربندیاں کار کنگ ءُ پاکستانی پوج ءَ ھور بوگ ءَ پھریز بہ کن اَنت۔
ھمے وڑ ءَ میجر گھرام ءَ وتی دگہ درشانے ءَ گوشتگ کہ سرمچاراں 21 دسمبر ءِ بیگاہ ءَ بولان ءِ ھند سراج آباد ءَ شال ءُ سبی ءِ مزنیں شھدگ داں یک ادار ءَ گیش بستگ ءُ گاڑی پٹ ءُ پول کرتگ اَنت۔ اے وھد ءَ چہ نزیکیں پاکستانی پوج ءِ بنجل ءَ سرمچارانی تر ءُ گرد ءِ سر ءَ چم سک دیگ ءُ آیانی نشانگ کنگ ءَ کواڈ کاپٹر کارمرز کنگ بوتگ۔ بلے کوھانی سر ءَ سنگر گپتگیں سرمچاراں نشانگ کرتگ۔ دژمن ءِ کارمنداں ھم سرمچارانی نیمگ ءَ آیگ جھد کرتگ بلے پیسرءَ سنگر گپتگیں سرمچاراں آیانی سر ءَ اُرش کرتگ چہ ایشی ءَآ پدکنز اِتگ اَنت۔
دگ بندی ءِ میان ءَ ریاست ادارھانی کارمند یا چریک دز نہ کپتگ۔ سرمچار گوں مھلوک ءَ شریں وڑ ءَ پیش بوتگ اَنت۔
آئی گوشتگ 21 دسمبر ءَ سرمچاراں نیمروچ ءِ ادار دو ءُ نیم ءَ مند ءِ ھند آزیان ءُ دوکوپ ءِ میان ءَ برت ءَ برجائیں زورگریں پاکستانی پوج ءِ چوکی ءِ سر ءَ اُرش کرتگ ءُ بنجل گوں ٹوھیں سلاھاں نشانگ کرتگ۔ اُرش داں نیم ادارے ءَ برجاہ بوتگ۔
آئی گوشتگ کہ اے اُرش ءِ میان ءَ زورگریں پوج ءَ سرمچارانی سنگرانی چارگ ءُ آیانی تاوان دیگ ءَ دو کواڈ کاپٹر بال داتگ۔ چہ آیاں یکے سرمچاراں نشانگ کرتگ ءُ دور داتگ۔ دومی واتر بوتگ۔ اے کاروائی ءِ آسر ءَ چوکی ءَ جتگیں چاریگی کیمرہ ھم تاوان بوتگ اَنت۔
آئی گوشتگ کہ اے کاروائیاں زورگریں پوج ءَ جانی ءُ مالی تاوان بوتگ۔
میجر گھرام ءَ درشان ءِ گڈی ءَ کاروائیانی زمہ واری من اِتگ۔
