چہ ھب چوکی ءَ پاکستانی چیریں ادارھانی دست ءَ زور بیگواھیں پروپیسر شپیک الرھمان زھری ءِ جنک ءُبی وائی سی ءِ کارکن ماہ زیب بلوچ ءِگوشگ اِنت کہ منی پت ءِ زوریں بیگواھی ءَ شش روچ سرجم بوتگ انگت ءَ آئی بابت ءَ مارا ھچ وڑیں سرپدی دیگ ءَ نہ اَنت۔
آئی ءَ گوشتگ کہ من ءَ پنچ روچ اِنت من کانودی کاروائی کنگ ءَ آن ءُ ھمے گوشگ ءَ آں کہ اگاں منی پت ءِ سر ءَ چونیں ھم بھتامے ھست گڑا آمیدگس ءَ پیش کنگ بہ بیت۔ مرچی من پہ لاچاری وتی پریات داں اد ءَ دگ ءَ آورتگ گڑا پولیس مارا دارگ ءُ زھرشانی کنگ ءَ نیلگ ءَ اِنت۔
ماہ زیب بلوچ ءِ گوشگ اِنت کہ زھرشانی کنگ ھمک شھری ءِ کانودی ھک اِنت، ھمک مردم وتی پریات ءَ پریس کلب ءَ کار ایت۔ من نزاناں ریاست مارا چی ءَ دارگ ءَ اِنت۔
آئی ءَ گوشتگ کہ منی پت بے میار اِنت ءُ آئی ھچ نہ کرتگ آ گوستگیں شش روچ بیت ،بے میار ءَ چیریں زنداناں بندیگ اِنت۔ منی پت زوت آجو کنگ بہ بیت۔
