وائس پار بلوچ مسنگ پرسن ( وی بی ایم پی ) ءِ کمک سرکماش ماما کدیر ءِ لاش سوراب ءَ گلزمین ءِمیار کنگ بوتگ۔ بلوچ یکجھتی کمیٹی ءِ سروک سمی دین، وی بی ایم پی ءِ چیئرمین نسر اللہ بلوچ، زور بیگواھیں مردمانی کھولاں ھوار چہ جتائیں ھند ءُ دمگاں سیاسی ءُ چاگرد کارکن، جنینءُ زھگ ءُ جتائیں بھرگاںسیادی داروکیں مردماں بازیں کچے ءَ مردم بھر زرتگ۔
ماما کدیر ءِ گڈی وابجاہءَ بلوچی چادر تالان کنگ ءُ پل شانگ بوتگ ۔ آئی ءِ بیرانی ءِ بابتءَ مردماں دلپدری درشان کرتگ ءُ دوا لوٹ اتگ۔
آیانی گوشگ اِنت کہ ماما کدیر ھما سروک اِنت کہ آئی پہ زور بیگواھیں مردمانی آجوئی ءَ دراجشکیں زھرشانی یے برجاہ داشتگ ءُ پہ زور بیگواھیں مردمانی کھولاں یک اوستے ءِ چراگ اَت۔
