بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ وتی شنگ کرتگیں درشانے ءَ گوشتگ کہ بی ایل ایپ ءِ سرمچاراں 18 دسمبر ءِ بیگاہءِ چار ءَ نوشکے ءِ ھند زرین جنگل ءَ زورگریں پوج ءِ کاروان ءَ ھواریں یک گاڑی یے گوں بمب ءَ نشانگ کرتگ ایشی آسر ءَ زورگریں پوج ءِ سے کارمند مرتگ ءُ دو ٹپی بوتگ۔ گاڑی سرجم ءَ تباہ بوتگ۔
آئی ءَ گوشتگ کہ بی ایل ایپ ءِ سرمچار 19 دسمبر ءَ تمپ ءِ میتگ ملانٹ ءَ تر ءُ گردے ءَ بوتگ اَنت کہ زورگریں پاکستانی پوج ءَ یک کواڈ کاپٹرے ءِ پارست ءَ آیانی رندگیری کرتگ۔ سرمچاراں پسھی کاروائی ءَ کواڈکاپٹر نشانگ کرتگ ءُ دور داتگ۔
جارکش ءَ گوشتگ کہ دگہ یک کاروائی یے ءَ 20 دسمبر ءَ مئے سرمچاراں ملانٹ ءَ زورگریں پوج ءِ بنجل نشانگ کرتگ۔ سرمچاراں بنجل ءِ سر ءَ گرنیڈ لانچر ءِ باز گولا آس داتگ کہ آ بنجل ءِ تہ ءَ کپتگ اَنت چہ ایشی آسر ءَ زورگریں پوج ءَ جانی ءُ مالی تاوان بوتگ۔
آئی ءَ گوشتگ کہ 19 دسمبر ءَ بی ایل ایپ ءِ سرمچاراں دشت ءِ میتگ شئے زنگی ءَ پہ چاریگی ءَ جتگیں موبائل ٹاور ءِ مشین ءُ سامان مانداشتگ ءُ تباہ کرتگ اَنت۔
میجر گھرام بلوچ ءَ درشان ءِ گڈی ءَ سے ئیں کاروائیانی زمہ واری من اتگ۔
