بلوچ یکجھتی کمیٹی ءِ سروک سمی دین ءَ وتی شنگ کرتگیں درشانے ءَ گوشتگ کہ ماہ زیب چہ کسانی ءَ گھگیری دربرتگ۔ گوستگیں ھپت سال بیت کہ پہ وتی ناکو راشد ھسین ءِ آجوئی ءَ آئی اکس زرتگ ءُ شال، کراچی ءُ اسلام آباد ءِ دگانی سر ءَ یکشل ءَ زھرشانی کنگ ءَ اِنت۔ ھمے جست کرتگ کہ راشد زندگ اِنت یا نہ، اگاں زندگ اِنت گڑا کج ءَ اِنت۔
آئی ءَ گوشتگ کہ اے جست ءِ پسو ھمک وھد ءَ گوں زوراکی ءَ دیگ بوتگ۔ اے جست ءِ پسو ءَ آئی ءَ گوں ھر پیمیں زوراکیاں دیم پہ دیمی کرتگ۔ شال پریس کلب ءِ دیم ءَ زھرشانیاں بیھار دیگ بوتگ۔ اسلام آباد ءِ برپ بستگیں سارتیاں آ زندان ءَ بند کنگ بوتگ۔ کراچی ءِ دگانی سر ءَ گراں کنگ بوتگ۔ چہ ریاستی درسیں زوراکیاں ابید ماہ زیب بے توار نہ بوتگ ءُ پشت ءَ نہ کنز اتگ۔
سمی دین ءَ گوشتگ کہ مرچی پد ءَ پہ ھمے توار ءِ دارگ ءَ دگہ یک ھیلھے ءَ ریاست ءَ آئی پت زور بیگواہ کرتگ۔
