بلوچستان لبریشن پرنٹ (بی ایل ایپ) ءِ جارکش میجر گھرام بلوچ ءَ وتی شنگ کرتگیں درشانے ءَ گوشتگ کہ بی ایل ایپ ءِ سرمچاراں ھبدہ دسمبر ءِ سھب ءَ مند ءِ ھند باگزو ءَ پاکستانی پوج ءِ کاروان ءِ راہ ءِ پکا کنوکیں پھازداریں کارمند گوں تراکناکیں شورھاں نشانگ کرتگ اَنت۔ اُرش ءِ آسر ءَ دو کارمند جاھی مرتگ۔
آئی گوشتگ کہ یک دگہ کاروائی یے ءَ سرمچاراں دشت ءِ ھند بیری ءَ سی پیک دگ ءَ برجائیں یک چوکی یے ءِ سر ءَ گوں آر پی جی ءُ آدگہ ٹوھیں سلاھاں اُرش کرتگ۔ سرمچاراں راکٹ ءِ باز گولا آس داتگ کہ آ نشانگ ءَ لگ اِتگ اَنت۔ چہ ایشی آسر ءَ دژمنیں پوج ءَ جانی ءُ مالی تاوان بوتگ۔ اے اُرش ءَ سرمچاراں چوکی ءِ سر ءَ پہ چاریگی ءَ جتگیں کیمرہ ھم نشانگ کرتگ ءُ تباہ کرتگ اَنت۔
میجر گھرام بلوچ ءَ درشان ءِ گڈی ءَ دوئیں اُرشانی زمہ واری من اِتگ۔
