بلوچ نیشنل موومنٹ ( بی این ایم ) ءِ انسانی ھکانی ادارہ پانک ءَ وتی شنگ کرتگیں درشانے ءَ گوشتگ کہ پانک پنجگور ءِ جاہ منندیں پولیس کارمند ھلیل اھمد ءِ کوش ءَ گوں ترندیں دانکاں ایر جتگ۔ ھالد اھمدءَ 13 دسمبر 2025 ءَ چہ تسپ ءَ چیریں ادارھانی کارمنداں آوار جتگءُ لھتیں اداراں پد آئی آزار داتگیں لاش چہ چکلی ءَ دست کپتگ۔ آئی کھول ءَ زھرشانی کرتگءُ انساپ ءُ آئی زمہ وارانی جست گرگ ءِ لوٹ کرتگ۔
آئی ءَ گوشتگ کہ اے وڑیں ویل بلوچستان ءَ زوریں بیگواھی ءُ درکانودی کوش یکشل ءَ برجاہ اَنت۔ اد ءَ ریاستی نوکر ھم پھریز نہ اَنت۔
آئی ءَ گوشتگ کہ پانک ھمے لوٹ ءَ کنت کہ اے ویل ءِ بابت ءَ زوت پہ دلجمی پٹءُ پول کنگ بہ بیت ءُ ایشی زمہ وار کانود ءِ رد ءَ جست گرگ بہ بنت ءُ آئی کھول ءِ گونءَ انساپ کنگ بہ بیت۔
آئیءَ گوشتگ کہ ما گوں میان استمانی انسانی ھکانی ادارھاں لوٹ کن ایں کہ آ اے جاورانی سر ءَ دلگوش ءَ گور بہ کن اَنت ءُ پہ برجاھیں انسانی ھکانی لگتمالیانی دارگءَ گامگیج بزور اَنت۔
