بلوچستان لبریشن پرنٹ (بی ایل ایپ) ءِ جارکش میجر گھرام بلوچ ءَ وتی شنگ کرتگیں درشانے ءَ گوشتگ کہ بی ایل ایپ ءِ سرمچاراں بلوچستان ءِ جتائیں ھنداں دوازدہ کاروائیاں دوازدہ پوجی کارمند کشتگ ءُ باز ٹپی کرتگ۔
جارکش ءَ گوشتگ کہ سرمچاراں مرچی روچ ءِ ادار دوازدہ ءَ بولان ءِ ھند سراج آباد ءِ شھدگ ءَ سنگر گپتگ ءُ پاکستانی پوج ءِ سے گاڑی نشان کرتگ۔ اے اُرش ءَ دژمن ءِ سے کارمند مرتگ ءُ باز ٹپی بوتگ۔ گاڑی تاوان بوتگ اَنت۔
آئی گوشتگ کہ بی ایل ایپ ءِ سرمچاراں یک دسمبر ءِ شپ ءِ ادار دوازدہ ءَ بارکان ءِ ھند دولہ کئور ءَ برجائیں پولیس چوکی انگر کرتگ ءُ کارمند دزگیر کرتگ اَنت۔ ھمے وھد ءَ چہ پاکستانی پوج ءِ نزیکیں چوکی ءَ دو گاڑی ءُ ھپت موٹر سائیکلانی کاروانے آتکگ ءُ سرمچارانی انگر کنگ ءِ جھد کرتگ۔ چہ ایشی ءَ پوج ءُ سرمچارانی میان ءَ میڑ بندات بوتگ سرمچاراں پوج ءِ یک گاڑی یے ءُ دو موٹرسائیکل سکا نزیک ءَ نشانگ کرتگ اَنت کہ چہ ایشی ءَ پوج ءِ چار کارمند مرتگ ءُ باز ٹپی بوتگ۔ پولیس کارمنداں ھچ وڑیں تاوان نہ بوتگ۔
جارکش ءَ گوشتگ کہ یک دسمبر ءَ بیگاہ ءِ وھد ءَ سرمچاراں آواران ءِ ھند چیری مالار دمب ءَ زورگریں پاکستانی پوج ءِ کارمند اسنائپر اُرش ءَ نشانگ کرتگ ءُ کشتگ کمیں دیر ءَ سرمچارانی دگہ ٹولی یے ءَ بنجل ءِ سر ءَ آر پی جی ءِ گولا آس داتگ کہ بنجل ءِ تہ ءَ نشانگ ءَ لگ اِتگ اَنت۔چہ ایشی آسر ءَ پوج ءَ گیش جانی ءُ مالی تاوان بوتگ۔
آئی گوشتگ کہ یک دگہ کاروائی یے ءَ یک دسمبر ءِ شپ ءَ بی ایل ایپ ءِ سرمچاراں رکشان ءَ سی پیک دگ ءَ داں چار اداراں دگ بستگ ءُ پٹ ءُ پول کرتگ، پٹ ءُ پول ءِ وھد ءَ زورگریں پوج ءِ کارمند، سرکاری گاڑی یا چریک دز نہ کپتگ۔
جارکش ءَ گوشتگ کہ یک دسمبر ءِ بیگاہ ءِ ادار پنچ ءَ بی ایل ایپ ءِ سرمچاراں بلیدہ ءِ ھند گلی ءَ برجائیں پاکستانی پوج ءِ بنجل ءِ سر ءَ گوں ٹوھیں سلاھاں اُرش کرتگ۔ اُرش ءَ بنجل ءِ سر ءَ گرنیڈ لانچر ءِ لھتیں گولا آس داتگ کہ آ بنجل ءِ تہ ءَ کپتگ اَنت۔ چہ ایشی ءَ زورگریں پوج ءَ جانی ءُ مالی تاوان بوتگ۔
آئی گوشتگ کہ یک دسمبر ءِ نیمروچ ءِ ادار دو ءِ نزیک ءَ بی ایل ایپ ءِ سرمچارانی یک اسنائپر ٹولی یے ءَ تمپ ءِ ھند پل آباد ءَ پاکستانی پوج ءِ بنجل ءِ پھازداریں سنگر ءِ تہ ءَ پھازداری کنوکیں کارمند نشانگ کرتگ ءُ کشتگ۔ چہ ایشی ءَ پد سرمچاراں بنجل ءُ بنجل ءِ مزنیں دروازگ گوں آر پی جی ءُ آدگہ ٹوھیں سلاھاں نشانگ کرتگ۔ اے اُرش ءَ سرمچاراں پوج ءِ بنجل ءِ کیمرہ ھم نشانگ کرتگ ءُ تباہ کرتگ اَنت۔
آئی گوشتگ کہ دو دسمبر ءِ سھب ءِ ادار نھ ءُ نیم ءَ سرمچاراں تربت ءِ ھند دیھات ءُ ماشااللہ ھوٹل ءِ میان ءَ دو پوجی گاڑی ءُ دوموٹرسائیکلانی کاروان ءِ سر ءَ سنگر گپتگ ءُ اُرش کرتگ۔ اُرش ءَ یک گاڑی یے ءَ سواریں سے پوجی کارمند مرتگ ءُ دو ٹپی بوتگ۔ گاڑی ءَ باز تاوان بوتگ۔ اُرش ءَ پد دژمنیں پوج ءَ چہ نزیکیں بنجل ءَ سرمچارانی سر ءَ مارٹر ءِ گولا آس داتگ بلے سرمچار پہ سلامتی درکپگ ءَ سوبین بوتگ اَنت۔
جارکش ءَ گوشتگ کہ پنچ دسمبر ءِ بیگاہ ءِ ادار چار ءَ سرمچاراں گیشکور ءِ ھند گراڑی ءَ برجائیں پاکستانی پوج ءِ بنجل گوں آر پی جی ءَ نشان کرتگ کہ گولا بنجل ءِ تہ ءَ کپتگ اَنت۔ چہ ایشی ءَ پوج ءَ جانی ءُ مالی تاوان بوتگ۔
آئی گوشتگ کہ بی ایل ایپ ءِ سرمچاراں کچی ءُ جھل مگسی ءَ سئے جتائیں ھنداں یکیں وھد ءَ پولیس چوکیانی سر ءَ اُرش کرتگ کہ چہ آیاں دو تانہ کچی ءُ یکے جھل مگسی ءِ ھوار اِنت۔ سرمچاراں اولی اُرش کچی ءِ ھند کوناڑو ءُ دومی اُرش گاجان پولیس چوکیانی سر ءَ کرتگ اَنت۔ بلے دوئیں پولیس چوکیانی کارمنداں لھتیں دمان ءَ پیش وتی چوکی یل داتگ ءُ تتکگ اَنت۔ سیمی اُرش سرمچاراں جھل مگسی ءِ ھند کوٹڑو ءَ پولیس ءِ تانہ انگر کرتگ ءُ تانہ ءَ ساڑی ئیں کارمنداں سرمچارانی سر ءَ تیرگواری کرتگ بلے سرمچاراں گل ءِ پالیسی ءِ رد ءَ پولیس کارمند تاوان نہ داتگ اَنت۔ ما رسانکدر ءِ پارست ءَ تانہ ءِ کارمنداں کڈن کن ایں کہ گوں سرمچاراں گھگیری کنگ ءَ وت ءَ دور بہ دار اَنت اگاں نہ وتی جانی تاوان ءِ زمہ وار وت بہ اَنت۔
میجر گھرام بلوچ ءَ درشان ءِ گڈی ءَ درسیں کاروائیانی زمہ واری من اِتگ ءُ گوشتگ کہ داں بلوچستان ءِ آجوئی ءَ زورگریں پاکستانی پوج ءِ سر ءَ اُرش برجاہ بنت۔
