بلوچ یکجھتی کمیٹی ءَ وتی شنگ کرتگیں درشانے ءَ گوشتگ کہ ابدُلوھاب ء ابدُلھکیم پنجگُور ءِ جاہ مننداِنت کہ ھمے سال ءِ نومبر ءَ ریاست ءِ پلہ مرزی کشندہ ٹولی ءَ زور بیگواہ کرتگ ءُ پد ءَ درکانودی کشتگ۔
آئی ءَ گوشتگ کہ ھندی مردمانی رد ءَ ابدلوھاب یک تنگ دستیں کھولے ءِ مردم اِنت ءُ ڈرائیوری کرتگ ءُ وتی کھول ءِوالینوک بوتگ۔ یک ماھے ءِ زوریں بیگواھی ءَ پد 4 سمبر 2025 ءَ آئی تیرسپتگیں لاش چہ پنجگُور ءِ ھند پل آباد ءَ دزکپتگ۔
آئی ءَ گوشتگ کہ درکانودی کوش ءُ زوریں بیگواھی ءِ درچ گیش بوگ ءَ اِنت ءُ ریاستی زوراکیاں پاشک کنگ ءَ اِنت۔ ایشی پاکستانی چیریں ادارہ ءُ آئی پلہ مرزیں کشندہ ٹولی ھوار اِنت۔
