اسلام آباد ءَ پولیس ءَ زوربیگواھیں سئید بلوچ ءِ برات آزم بلوچ ءُ یک دگہ نودربرے مجید بلوچ دزگیر کرتگ۔
بنشون ءِ رد ءَ اسلام آباد پولیس ءَ آزم بلوچ ءُ مجید بلوچ ءَ جی یازدہ جوڈیشل کمپلیکس ءِ دیم ءَ دزگیر کرتگ ءُ گوں وت برتگ اَنت۔ دزگیر کنگ بوتگیں مجید بلوچ، بلوچ اسٹوڈنٹس کونسل اسلام آباد ءِ باسکے۔
آئی گوشتگ کہ ما زوراکی ءَ گوں ترندی ءَ ایر جن ایں اے وڑیں گامگیج نہ تھنا درکانودی اَنت بلکیں جمھوری ھک ءِ سر ءَ تچک ءَ اُرش کنگ اِنت۔ سرکار اگاں پہ زور ءُ بیھار ءَ راستی ءِ دارگ ءِ جھد ءَ بہ کنت بلے اے وڑیں رویشت تھنا آئی زوراکی ءِ ترس ءَ پدر کنت۔
بی ایس سی ءَ گوشتگ کہ ما آزم بلوچ ءُ مجید بلوچ ءِ زوتیں آجوئی ءِ لوٹ ءَ کن ایں ءُ ھمے گوش ایں کہ اے وڑیں درکانودی گامگیج ءِ زمہ وار کانود ءِ دیم ءَ آرگ بہ بنت۔
