پاکستانی پوج ءِ دست ءَ تربت یونیورسٹی ءِ کمپیوٹر سائنس ءِ لیکچرار بالاچ بالی ءِ زوریں بیگواھی ءِ بگیری ءَ استاد ءُ نودربراں یونیورسٹی ءِ تہ ءَ زھرشانی کرتگ۔
زھرشانی کنوکیں استاد ءُ نودربراں پلے کارڈ دستاں بیتگ کہ آیانی سر ءَ جتا جتائیں اوگام نبشتہ بیتگ۔
زھرشانی کنوکاں گوں سرکار ءَ لوٹ کرتگ ءُ گوشتگ کہ بالاچ بالی زوت آجو کنگ بہ بیت اگاں آئی سر ءَ چونیں ھم بھتامے ھست گڑا دیم ءَ آرگ ءُ کانود ءِ ھساب ءَ جست کنگ بہ بیت۔
زھرشانی کنوکیں مردمانی گوشگ اِنت کہ اگاں چہ سرکار ءِ نیمگ ءَ پہ بالاچ بالی ءِ آجوئی ءَ زوت گامگیج زورگ نہ بوت گڑا ما وتی زھرشانی ءَ گیش کن ایں۔
