بلوچستان لبریشن پرنٹ ( بی ایل ایپ ) ءِ سرمچاراں سیندک ءُ ریکوڈک شوربندی ءِ دری انجئیرانی آرام جاہ ءُ پہ کارگساں برجاھیں مزنیں کپماؤنڈ ءِ سر ءَ 30 نومبر ءِ شپ ءَ ھشت ءُ نوزدہ ءَ بی ایل ایپ ءِ ادارہ سدّو آپریشنل بٹالین ( سوب) ءِ سرمچاراں ارش کرتگ ءُ پہ سوبمندی کمپاؤنڈ ءِ تہ ءَ پترتگ اَنت ءُ کمپاؤنڈ دستیگ کرتگ ءُ جنگ برجاہ اِنت۔
آئی ءَ گوشتگ کہ زورگریں پاکستانی پوج ءِ اسپیشنل ٹولی زمینی راہ ءُ ھیلی کاپٹر کارمرز کنگ ءُ سرمچارانی دستیگی ءَ ھلاس ءِ جھد ءَ کنگ ءَ اَنت۔ پد ءَ ھم سوب ءِ سرمچاراں بیست ءُ چار ساھت بیت کہ کمپاؤنڈ دستیگ کرتگ ءُ دژمن ءِ تونگری پروشتگ ءُ دژمن ءِ بگیری ءَ مڑگ ءَ اَنت۔
جارکش ءَ گوشتگ کہ زورگریں ریاست پہ وتی بے سوبی ءُ تاوانانی چیر دیگ ءَ دامگ ءَ بند کرتگ۔ سدّو آپریشنل بٹالین ءِ اے ارش پہ زورگریں پاکستان، آئی دری شریدار ءُ لٹ ءُ پلی کمپنیاں یک تچکیں کلوھے کہ بلوچستان ءِ مادن بلوچ راج ءِ مڈی اَنت۔ داں بلوچستان ءِ آجوئی ءُ اے مادنانی سر ءَ بلوچ راج ءِ واکداری ءِ منگ ءَ ابید چونیں ھم مزنیں توانمند یا کمپنی یے ءَ اے موکل ءَ نہ دے ایں کہ آ زورگریں پاکستان ءِ گون ءَ بلوچ ءِ مادنانی لُٹ ءُ پل ءَ بھر بزور اَنت۔ داں آجوئی ءَ زورگریں توانمند ءُ آئی لٹ ءُ پل ءَ شریدارانی بگیری ءَ مئے جھد برجاہ بیت۔
