کیچ ءِ ھند ھوشاپ گروک ءَ دوشی چہ پاکستانی پوج ءِ مارٹر گولا آس دیگ ءَ ٹپی بوتگیں زھگے یاسمین بلوچ ء ناسر بیران بوتگ۔
بنشون ءِ رد ءَ دوشی چہ پوج ءِ مارٹر گولا آس دیگ ءَ یاسمین ء ناسر، تاھرہ ء ھالد، دُرین ء ھالد ءُ آسیہ ء شمبے ءَ ھوار دگہ یک زھگے ٹپی بوتگ ءُ درسیں ٹپی ئیں زھگ پہ الاج ءَ نادراھجاہ ءَ برگ بیتگ اَنت۔ یاسمین ءِ جاور ناگیگ بوتگ اَنت پہ گیشیں الاج ءَ کراچی ءَ برگ ءَ بیتگ اَنت کہ آئی ٹپانی درد نہ سگ اِتگ ءُ بیران بیتگ۔
بیران ءُ ٹپی بوتگیں زھگانی کھول ءُ ھندی مردماں زھرشانی ءَ سی پیک دگ بند کرتگ۔
اے بابت ءَ مئے گیشیں جست ءُ پرس برجاہ اِنت۔
