چہ کیچ ءِ جتائیں ھنداں پاکستانی پوج ءِ جوڑ کرتگیں کشندہ ٹولی ءِ کارمندانی دست ءَ زور بیگواھیں سالونک امران بلوچ ءَ ھوار سے مردمانی لاش دزکپتگ۔
زرمبش جھگیر ءِ رد ءَ امران بلوچ ء نادل تمپ ءِ میتگ گومازی ءِ جاہ منند اِنت کہ آئی تیرسپتگیں لاش چہ دازن ءُ گومازی ءِ دوراھی ءَ دزکپتگ۔
امران بلوچ ءَ پاکستانی پوج ءِ جوڑ کرتگیں کشندہ ٹولی ءِ کارمنداں 25 ءُ26 نومبر 2025 ءِ میانی شپ ءَ چہ گس ءَ ھما وھد ءَ آوار جتگ کہ یک روچے ءَ پد آئی سور بندات بوگی بوتگ۔
ھندی بنشون ءِ رد ءَ کشندہ ٹولی ءِ کارمنداں گوں آئی ءِ کھول ءَ رھوت کرتگ ءُ چہ کھول ءَ دو کروڑ زر لوٹ اِتگ بلے کھول ءَ گوشتگ کہ مارا انچو گنجاھشت نیست کہ ما دو کروڑ زر دات بہ کن ایں۔
ھمے وڑ ءَ چہ دیھات ءَ ابوبکر بلوچ ءُ تاھر اھمد ءِ لاش دزکپتگ ۔ ابوبکر بلوچ ء ھاسل بلنگور ءُ تاھر اھمد ء اللہ بکش دشت شولیگ ءِ جاہ منند اِنت۔
