بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ وتی شنگ کرتگیں درشانے ءَ گوشتگ کہ بی ایل ایپ ءِ سرمچاراں 24 نومبر ءِ سھب ءَ مشکے پروار ءَ پٹرول پمپ ءِ نزیک ءَ دگ کار کنوکیں شرکت ءِ بنجل ءِ سر ءَ اُرش کرتگ کہ آ پہ پوج ءِ ترّ ءُ گرد ءِ ارزان کنگ ءَ پوج ءِ چیردستی ءَ دگ ءَ کار ءَ بوتگ۔ بنجل ءِ گاڑی ءُ درسیں مشین ءُ سامان مانداشتگ اَنت ءُ یک گاڑی یے سرمچاراں برتگ۔
آئی ءَ گوشتگ کہ دگ کار کنوکیں شرکت ءِ سر ءَ ارش ءَ پد زورگریں پوج ءَ شش گاڑی، نُھ موٹرسائیکل ءُ پیادگ ءَ کاروان ءِ ھساب ءَ سرمچارانی رندگیری کرتگ۔ سرمچاراں چیرجنگی ءِ پارست ءَ چُر چُری سنگر گپتگ ءُ رندگیری کنوکیں پوجیانی سر ءَ گوں نوک ءُ مزنیں سلاھاں ترندیں ارشے کرتگ۔ ایشی آسر ءَ آرمی ءُ ایپ سی ءِ ھشت کارمند جاھی مرتگ درزنانی کچ ءَ سکا ٹپی بیتگ۔
جارکش ءَ گوشتگ کہ دگہ یک کاروائی یے ءَ سرمچاراں پَنجگُور ءِ ھند وشبود ءَ شھدگ بستگ ءُ گاڑی پٹ ءُ پول کرتگ اَنت سرمچارانی دگہ یک ٹولی یے ءَ وشبود ءَ کسٹم ءِ چوکی ءِ سر ءَ اُرش کرتگ ءُ کارمند دزگیر کرتگ اَنت ءُ چہ آیاں سرکاری سلاہ ءُ آدگہ سامان ءُ سے سرکاری گاڑی پل اتگ، پد ءَ ھم انسانیت ءِ بنیاد ءَ کسٹم ءِکارمند یل داتگ اَنت۔
میجر گھرام بلوچ ءَکاروائیانی زمہ واری من اتگ ءُ گوشتگ کہ ھمے کول ءَ کن ایں داں بلوچستان ءِ آجوئی ءَ مئے کاروائی گوں ترندی ءَ برجاہ بنت۔
