چہ آواران ءِ ھند جاؤ ءُ گوادر ءِ ھند پسنی ءَ پاکستانی پوج ءَ سے مردم آوار جتگءُ بیگواہ کرتگ۔
زرمبش جھگیر ءِ رد ءَ پاکستانی پوج ءَ مرچی چہ جاؤءِ بازار واجہ ءِ باگ ءَ زور بیگواھیں شیرجان بلوچ ءِ برات نادل بلوچ ء زباد بلوچ آوار جتگ ءُ بیگواہ کرتگ۔نادل بلوچ جاؤءِ میتگ کورک ءِ جاہ منند اِنت کہ پیری آئی کستریں برات چہ ھب چوکی ءِ بارار ءَ پاکستانی پوجءَ آوار جتگ ءُ بیگواہ کرتگ۔
بنشون ءِ رد ءَ دوشی چہ پسنی ، شادی کور ءَ پاکستانی پوج ءَ سردل ھان ء شیرھان ءُ ھاتر بلوچ ء میر دوست آوار جتگ ءُ بیگواہ کرتگ اَنت۔
کھولءِ رد ءَ سردل چہ گس ءَ آوار جنگ بیتگ ءُ ھمے میان ءَ ھاترا چہ ڈگارانی سر ءَ آوار جنگ ءُ بیگواہ کنگ بیتگ۔
