بلوچ یکجھتی کمیٹی ءِ سروک ڈاکٹر ماہ رنگ بلوچ ءَ وتی شنگ کرتگیں درشانے ءَ گوشتگ کہ پانزدہ سالیگیں نسرینہ بلوچ ءِ پاکستانی پوج ءِ دست ءَ زوریں بیگواھی بلوچستان ءَ برجاھیں زوراکی ءُ چکچینی آنی دروشم ءَ پیش دار ایت۔
آئی ءَ گوشتگ کہ آواران ءِ جاہ منندیں نسرینہ بلوچ ھب ءَ بیتگ کہ آ 22 نومبر 2025 ءَ شپ ءِ دوازہ ءَ پوج ءَ گس ءَ بیڑ برتگ ءُ آوار جنگ ءَ پد بیگواہ کرتگ، چہ ایشی ءَ پد آئی ھچ وڑیں ھال نیست۔
ڈاکٹر ماہ رنگ بلوچ ءَ گوشتگ کہ شش ماہ پیش چہ شال ءِ شھر ءَ پولیو ءِ نادراہ ماہ جبین بلوچ ءَ پاکستانی پوج، سی ٹی ڈی ءُ چیریں ادارھانی کارمنداں ھاسٹل ءَ بیگواہ کرتگ۔
آئی ءَ گوشتگ کہ پاکستانی پوج بلوچستان ءَ ھمک روچ انسانیت ءِ بگیری ءَ میارباری کنگ ءَ اِنت اے درس بلوچ چکینی ءِ بھر اَنت۔
