چہ پنجگور ءِ جتائیں جاھاں پاکستانی پوج ءَ سے ورنا آوار جتگ ءُ بیگواہ کرتگ۔
زرمبش جھگیر ءِ رد ءَ زور بیگواھیں نزیر بلوچ ء بیبگر ءُ اتا اللہ بلوچ ء رشید پروم ءِ میتگ جاھین ءِ جاہ منند اَنت دوئیں یکیں کھول ءِ مردم اَنت۔ پاکستانی پوج ءَ مرچی آوار جتگ ءُ بیگواہ کرتگ اَنت۔
انچوش گوشگ بوگ ءَ اِنت کہ نزیر اھمد ءِ زھگ شھزاد بلوچ ءُ اتا اللہ ءِ برات جنگیان بلوچ ھم پاکستانی پوج ءَ پیسر ءَ آوار جتگ ءُ بیگواہ کرتگ اَنت۔
ھمے وڑ ءَ پاکستانی پوج ءَ زی بیگاہ ءِ چار ءَ چہ چتکان بازار ءَ بلال بلوچ ء ابدالواھد آوار جتگ ءُ بیگواہ کرتگ۔
بلال بلوچ پَنجگُور ءِ ھند ایسائی ءِ جاہ منند اِنت۔
