بلوچ لبریشن آرمی ( بی ایل اے ) ءِ جارکش جیھند بلوچ ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں پنجگور ءُ جاپر آباد ءَ دو جتائیں بمب ارشاں زورگریں پوج ءُ پولیس کارمند نشانگ کرتگ اَنت۔
آئی ءَ گوشتگ کہ بی ایل اے ءِ سرمچاراں مرچی پنجگور ءِ ھند راھی نگور ءَ سی پیک دگ ءَ زورگریں پوج ءِ یک گاڑی یے گوں چیر کرتگیں شورھاں نشانگ کرتگ ایشی آسر ءَ زورگریں پوج ءَ جانی تاوان بیتگ۔
جارکش ءَ گوشتگ کہ بی ایل اے ءِ سرمچاراں دوشی جاپر آباد ءَ شاھی چاراہ ءَ پولیس ءِ چوکی گوں دستی بمب ءَ نشانگ کرتگ، ایشی آسر ءَ یک کارمندے سکا ٹپی بیتگ۔
جیھند بلوچ ءَ درشان ءِ گڈی ءَ ارشانی زمہ واری من اتگ۔
