کیچ ءِ ھند بلیدہ ءَ پاکستانی پوج ءَ مردمے آوار جتگ ءُ بیگواہ کرتگ۔
اھوالکار ءِ رد ءَ زوربیگواہ کرتگیں مردم ءِ نام ایاز بلوچ ء اکبر اِنت کہ آ بلیدہ ءِ ھند میناز ءِ جھمنند اِنت ءُ رژن وانگجاہ ءِ ٹیچرے۔
دوازدہ نومبر ءَ پاکستانی پوج ءُ کشندہ ٹولی ءِ کارمنداں ھما وھد ءَ آوار جتگ ءُ بیگواہ کرتگ کہ آ چہ وانگجاہ ءَ وتی گس ءَ روگ بوتگ۔
آئی زوریں بیگواھی ءِ گپ بی این ایم ءِ انسانی ھکانی ادارہ پانک ءَ ھم راست ءُ آئی اکس شنگ کرتگ۔
