بلوچ راجدوستیں سروک رھیم بلوچ ایڈوکیٹ ءَ بلوچ شھیدانی سالروچ ءِ درگت ءَ وتی شنگ کرتگیں درشانے ءَ گوشتگ کہ بلوچ راج گوں ھما راجاں ھوار اِنت کہ آیاں نوزدھمی کرن ءَ برتانیہ ءِ زورگریں ارشکاریں پوجیانی بگیری ءَ گوں ترندی ءَ گھگیری کرتگ ءُ گوں نہ ترسی ءَ مڑ اتگ اَنت۔
آئی ءَ گوشتگ کہ 13 نومبر 1989 ءَ بلوچستان ءِ سرکار میر مھراب ھان گوں وتی سردارانی ھواری ءَ پہ کلات ءِ پھریزگ ءَ برتانیہ ءِ ارشکاریں پوجیانی بگیری ءَ گوں نہ ترسی ءَ مڑ اتگ ءُ شھید بیتگ اَنت۔ چہ ھمے دیمونیانی پارست ءَ آئی گوں سنگتاں پہ وت ءَ پہ بلوچ راجی گوستانک ءَ شرپ ءِ نامے کٹ اِتگ۔
رھیم بلوچ ایڈوکیٹ ءَ گوشتگ کہ بلوچ راج مرچی ھم چہ پاکستان ءِ نیمگ ءَ بلوچستان ءِ سر ءَ زوریں دستیگی، نوک آبادکاریں واکداری ءُ بلوچستان ءِ مڈیانی لٹ ءُ پل ءِ بگیری ءَ گوں ھما جوزگ ءَ جھد کنگ ءَ اَنت کہ ھان میر مھراب ھان ءُ آئی سنگت ارشکارانی بگیری ءَ مڑ اتگ اَنت۔
