بلوچ اسٹوڈنٹس ایکشن کمیٹی ءِ جارکش ءَ وتی شنگ کرتگیں درشانے ءَ گوشتگ کہ بساک ءِ نیمگ ءَ چارمی بنجاھی لس دیوان ءِ بابت ءَ شال پریس کلب ءَ بیوکیں پرنس کانپرنس پولیس ءَ نہ اشتگ۔
آئی ءِ گوشگ اِنت کہ گل ءِ سروک اود ءَ سر بیتگ اَنت کہ اود ءَ پولیس کارمند بازیں کچے ءَ اوشتوک بیتگ اَنت، آیاں پریس کلب کُبل کرتگ ءُ گل ءِ سروک چہ پریس کانپرنس ءَ داشتگ اَنت۔
جارکش ءَ گوشتگ کہ پرنس کانپرنس لس مھلوک ءِ مچی یے نہ اِنت ءُ کانود ءِ ھم بگیری نہ اِنت۔چہ پریس کلب ءِ موکل دیگ ءَ ابید پولیس ءِ نیمگ ءَ پہ پھاداری ء ِنام ءَ پریس کانپرنس ءِ دارگ گپ ءِ آجوئی ءِسر ءَ پابندی زانگ بیت۔
آئی ءَ گوشتگ کہ جھان ءَ ھچ جاہ ءَ پریس کلبانی سر ءَ پابندی جنگ نہ بیت، بلے اد ءَ گپ ءِ آجوئی ءِ سر ءَ اے وڑیں رویہ سکا بژنیگ اِنت ءُ ایشی ایر جن ایں۔
جارکش ءَ گوشتگ کہ گل وتی اے پریس کانپرنس ءَ انوں دار ایت ءُ ایشی لھتیں روچ ءَ پد کنت۔
آئی ءَ گوں بلوچستان سرکار ءُ دمگ ءِ انتزامیہ ءَ لوٹ کرتگ کہ پریس ءِآجوئی، نودربر گلانی جمھوری ھک ءُ گپ ءِآجوئیءِراھبندی ھک ءِ سر ءَ دلجمی دیگ بہ بیت۔
