شال: وائس پار بلوچ مسنگ پرسنز (وی بی ایم پی) ءَ وتی شنگ کرتگیں درشانے ءَ چہ نھ ماہ ءَ زوربیگواھیں میر دوست ءِ تیرسپتگیں لاش ءِ دزکپگ ءِ سر ءَ بژن درشان کرتگ۔
آئی گوشتگ میردوست ءِ کھول ءِ گوشگ اِنت کہ میردوست ء ابیداللہ کیچ ءِ ھند تمپ کونشکلات ءِ جھمنند اِنت ءُ پاکستانی پوج ءَ ھمے سال ءِ سیزدہ پروری ءَ چہ گس ءَ آوار جتگ ءُ بیگواہ کرتگ۔ آ داں نھ ماہ ءِ زوریں بیگواھی پد دہ نومبر ءَ آئی آزار داتگین ءُ تیرسپتگیں لاش چہ تُربَت ءِ ھند گنہ ءَ دزکپتگ۔
آئی گوشتگ کہ اے یک درکانودی گامگیجے ما ایشی ءَ گوں ترندی ءَ ایر جن ایں ءُ اے ویل ءِ گوں ھورتچاری ءَ پٹ ءُ پول ءِ لوٹ ءَ کن ایں۔
