بلوچستان لبریشن پر نٹ ( بی ایل ایپ ) ءِ جارکش میجرگھرام بلوچ ءَ وتی شنگ کرتگیں درشانے ءَ گوشتگ کہ نُھ نومبر ءَ بی ایل ایپ ءِ سرمچار گومازی ءِ کوہ دیزیگ ءَ پہ گل ءِ کارے ءَ تر ءُ گرد کنگ ءَ بیتگ اَنت چہ ساری ءَ سنگر گپتگیں زورگریں پوج ءَ سرمچارانی سر ءَ ارش کرتگ۔ سرمچاراں جنگی بودناکیءُ چیرجنگی راھبندانی پارستءَ پسھی کاروائی کرتگ ءُ پہ سلامتی درکپتگ اَنت۔ داں نیم ادارے ءَ برجاھیں جنگ ءَ دژمن ءِ کارمندے مرتگ ءُ یکے ٹپی بیتگ۔
جارکش ءَ گوشتگ کہ 17 اکتوبر ءَ بی ایل ایپ ءِ سرمچاراں مند ءَ پہ پاکستانی پوج ءَ چاریگی کنوکیں اسماھیل ء نزیر یک چیریں کاروائی یے ءِ میان ءَ دزگیر کرتگ۔ اسماھیل ریاستی چاریگ مسلم ءِ برات اِنت کہ آ راجدروھی ءِ بھتام ءَ سرمچاراں پیسر ءَ یک کاروائی یے ءِ میان ءَ کشتگ اَت۔ مسلمءِ کوش ءَ پد زورگریں پوج ءِ چاریگ ءُ کشندہ ٹولی ءِ کارمند رھیم ءُ پرھاد پنام چیپوک ءَ اسماھیل ءَ گوں پوج ءَ ھمگرنچ کرتگ۔ اے میان ءَ آ یکشل ءَ پوج ءِ بنجل ءُ ایم آئی ءِ کارگس ءَ شتگ ءُ اتکگ۔
آئی ءَ گوشتگ کہ جست ءُ پرس ءِ میان ءَ اسماھیل ءَ من اتگ کہ آ یک ھواریں کاروائی یے ءَ مھمد ء رازی جاہ منند کھینک نامیں بلوچے نشانگ کرتگ ءُ کشتگ۔ اے میانءَ بازیں ھندانی چاریگی ءُ بازیں ویلانی بابت ءَ گیشیں سرپدی داتگ، آئی درسیں منانک ءُ ھال گل ءِ کِر ءَ ایر اَنت۔ ھژدری بہ بیت گڑا رسانکدر ءَ شنگ کنگ بنت۔
جارکش ءَ گوشتگ کہ پہ زورگریں پوجءِ چاریگی ءُ کودکیں بلوچانی نشانگ کنگ ءَ ھوار بوگ ءِ میار ءَ گل ءِ آمیدگس ءَ اسماھیل ءَ مرگ ءِ سزا داتگ۔ اے پیسلہ ءِ سر ءَ 2 نومبر ءَ سرمچاراں کار کرتگ ءُ مند ءِ ھند اپسار کئور ءَ کشتگ۔
آئی ءَ گوشتگ کہ مرچی نیمروچ ءِ یک ءِ نزیک ءَ دگہ یک کاروائی یے ءَ سرمچاراں کلاتءِ ھند مرجان ٹول پلازہ ءِ نزیک ءَ یک بوزر گاڑی یے نشانگ کرتگ ءُ تاوان داتگ۔
میجر گھرام بلوچ ءَ درشان ءِ گڈی ءَ درسیں کاروائیانی زمہ واری من اتگ۔
