کابل: اوگانستان ءِ دری کارانی وزیر مولوی امیر ھان متکیءَ گوشتگ کہ گوں پوجی سرکارءَ پمشکا گپ ءُ تران بے سوب بوتگ کہ آ پاکستان ءَ ایمنی ءِ مانزمانی ءَ لوٹگ ءَ بیتگ۔ ایمنی آرگ ءِ زمہ وار پی کے پولیس ءِ سر ءَ اِنت مئے سر ءَ نہ اِنت۔ آ ھمے لوٹ ایت کہ ٹی ٹی پی اوگانستان ءَ آرگ بہ بیت اے نا بزانتیں لوٹے۔
آئی ءَ گوشتگ کہ آ ھمے گوش ایت کہ ٹی ٹی پی اوگانستان ءَ کیت ءُ پہ جنگ ءَ پاکستان ءَ روت گڑا من گوش آں کہ تو منی سرڈگار ءِ سر ءَ آیان ءَ آھگ ءِ موکل چی ءَ داتگ۔ تو آئی ءَ اوگانستان ءَ پترگ ءَ چی ءَ اشتگ۔
اوگانستان ءِ دری کارانی وزیر ءَ گوشتگ کہ تو سیمسر ٹٹ کرتگ، کیمرہ جتگ، مزن مزن چوکی ءُ بنجل جوڑ کرتگ۔ چہ پشاور ءَ داں اسلام آباد ءَ چوکی جتگ ءُ لکانی کچ ءَ پوجی ءُ کمکاریں کارمند اَنت پد ءَ ھم تو ٹی ٹی پی ءَ داشت نہ کن ئے۔
