بلوچ نیشنل موومنٹ ( بی این ایم ) ءِ انسانی ھکانی ادارہ پانک ءَ مارو پنام کوہ بلوچ ء پنڈوک ءِ چہ ھب چوکی ءَ آوار جنی ءِسر ءَ بژن درشان کرتگ ءُ گوشتگ کہ آئی کھول ءِ گوشگ اِنت آ 6 نومبر 2025 ءَ چہ ھب شھر ءَ دارو ھوٹل ءَ چیریں ادارھانی کارمنداں آوار جتگ ۔
آئی ءَ گوشتگ کہ پانک اے ویل ءَ گوں ترندیں دانکاں ایر جنت ءُ ھمے لوٹ ءَ کنت کہ آئی بابت ءَ سرپدی دیگ بہ بیت ءُ پہ آئی سلامتی آجوئی ءَ دلجمی دیگ بہ بیت۔ اگاں آ بے میار اِنت گڑا زوت یل کنگ بہ بیت۔
آئی ءَ گوشتگ کہ ما آئی زوریں بیگواھی ءِ بابت ءَ پٹ ءُ پول کنگ ءِ لوٹ ءَ کن این ءُ بلوچستان ءَ برجاھیں زوریں بیگواھیانی زوتیں ھلاس کنگ ءِ لوٹ ءَ کن ایں۔
