بلوچستان لبریشن پرنٹ (بی ایل ایپ) ءِ جارکش میجر گھرام بلوچ ءَ وتی شنگ کرتگیں درشانے ءَ گوشتگ کہ بی ایل ایپ ءِ سرمچاراں یک نومبر ءِ سھب ءِ ادار ھشت ءِ نزیک ءَ اورماڑہ ءِ ھند کواری شھدگ ءَ پاکستانی پوج ءِ کاروان ءَ ھواریں یک گاڑی یے گوں تراکناکیں شورھاں نشانگ کرتگ۔ اُرش ءِ آسر ءَ گاڑی سرجم ءَ تباہ بوتگ ءُ گاڑی ءَ سواریں چار کارمند جاھی مرتگ ءُ آدگہ سک ءَ ٹپی بوتگ اَنت۔ کاروان ءَ ھواریں آدگہ گاڑیاں سواریں کارمنداں ٹپی بوتگیں کارمندانی رکینگ ءَ ابید چہ اُرش جاہ ءَ تتکگ اَنت۔
آئی گوشتگ کہ کاروائی ءِ سرجم کنگ ءَ پد سرمچار پہ سلامتی وتی بندراں شتگ اَنت۔
جارکش ءَ گوشتگ کہ یک دگہ کاروائی یے ءَ بی ایل ایپ ءِ سرمچاراں 31 اکتوبر ءَ کوھلو ءِ ھند لاسئے زئی ءِ نزیک ءَ ببرتاک ءَ بندساچی شرکتے ءِ سر ءَ اُرش کرتگ ءُ اود ءَ ساڑی ئیں لیویز کارمند کڈن کرتگ اَنت کہ آ وت ءَ چہ سرمچاراں دور بہ دار اَنت۔ بلے کڈن کنگ ءَ ابید آیاں سرمچارانی سر ءَ اُرش کرتگ۔ اُرش ءَ پسھی تیرگواری ءَ یک لیویز کارمندے مرتگ ءُ دو ٹپی بوتگ۔
میجر گھرام بلوچ ءَ درشان ءِ گڈی ءَ اورماڑہ ءُ کوھلو اُرش ءِ زمہ واری من اِتگ۔
