مند ءَ زور بیگواھیں ورنا پھد بلوچ، ھارون بلوچ ءُ ھمود بلوچ ءِ کھول ءِ نیمگ ءَ زھرشانی نندانک ءَ پنچ روچ اِنت کہ برجاہ اِنت۔ زھرشانی ءَ زور بیگواھیں مردمانی کھولاں ابید آدگہ ھم مردماں بازیں کچے ءَ بھر زرتگ۔
مرچی زھرشانی نندانک ءِ ھواری ءَ کھول ءِ جار ءِ پد ءَ سرجمیں مند ءَ تھتگ بند ھرتال کنگ بیتگ۔
زھرشانی کنوکیں مردمانی گوشگ اِنت دانکہ مئے زھگ آجو کنگ بہ بنت مئے زھرشانی نندانک برجاہ بیت۔
چوش کہ پاکستانی پوج ءَ 23 اکتوبر ءِ شپ ءَ مند ءِ میتگ بلوچ آباد ءَ بیڑ برتگ ءُ سے ئیں ورنا پھد بلوچ، ھارون بلوچ ءُ ھمود بلوچ آوار جتگ ءُ بیگواہ کرتگ اَنت۔
