بلوچ نیشنل موومنٹ (بی این ایم ) ءَ بلوچ شھیدانی سالروچ ءِ درگت ءَ 8 نومبر ءَ جرمنی ءِ بنجاھی شھر برلن ءَ یک مراگشے برجم دارگ ءِ جار جتگ۔
آئی گوشتگ کہ بلوچ نیشنل موومنٹ ( بی این ایم ) برلن ءَ یک مراگشے برجم دارگ ءِ جار ءَ جنت ءُ شھیدانی بے مٹیں دیمونیاں ستک شانی ندر کنت کہ آیاں پہ وتی ماتیں گلزمین بلوچستان ءِ آجوئی ءَ وتی ساہ ءُ سر ندر کرتگ اَنت۔
آیاں گوں درستیں بھرگاں سیادی داروکیں مردماں لوٹ کرتگ کہ اے مراگش ءَ بھر بہ زور اَنت شھیدانی بابت ءَ وتی ھیالاں درشان بہ کن اَنت ۔
چوش کہ 13 نومبر بلوچ شھیدانی روچ اِنت کہ اے روچ ءَ بلوچستان ءُ چہ بلوچستان ءَ ڈن نشتگیں بلوچ برجم دار اَنت۔
