ھزدار ءِ ھند زھری ءَ پاکستانی پوج چہ لشکر کشی ءَ پد پہ وت ءَ بنجل جوڑ کنگ ءَ اِنت۔
بنشون ءِ رد ءَ زھری ءِ میتگ تراسانی ءَ پاکستانی پوج مھلوک ءِ ڈگاراں دستیگ کنگ ءُ مردماں پہ زور بنجل ءِ بندگ ءَ کار گرگ ءَ اِنت ۔
ھندی بنشون ءِ در ءَ پوج ھمک روچ مردماں سھب ءِ سر ءَ بارت کار گیت ءُ بیگاہ ءَ موکل دنت ، چہ ھمے سوب ءَ مردم پہ لڈ ءُ بار ءَ لاچار بوگ ءَ اَنت۔
پوج ءِ آزار دیگ ءُ ترسینگ ءِ سوب ءَ بازیں مھلوکے ءَ وتی گس یل داتگ ءُ لڈ ءُ بار کرتگ ءُ آدگہ جاھاں شتگ اَنت۔
ھندی مردمانی گوشگ اِنت کہ پاکستانی پوچ ءَ زھری ءِ پترگ ءِ راھانی سر ءَ چوکی جتگ ءُ روکیں درستیں مردمانی بچار کارڈاں گرگ ءَ اِنت۔
چوش کہ زھری ءَ پاکسانی پوج ءِ زوراکیانی بگیری ءَ بی این ایم ءَ دری ڈیھاں باز ڈیھاں زھر شانی ھم کرتگ۔
