شال: پہ زوربیگواھیں مردمانی آجوئی ءَ وائس پار بلوچ مسنگ پرسن ( وی بی ایم پی ) ءِ نیمگءَ برجاھیں زھرشانی نندانک ءَ شال پریس کلب ءِ دیم ءَ 5981 روچ سرجم بیتگ۔
دوشمبے ءِِروچ ءَ وی بی ایم پی ءِ چیئرمین نسر اللہ بلوچ گدانءَ ساڑی بیتگ کہ جتائیں بھرگاں سیادی داروکیں مردم زھرشانی گدان ءَ اتکگ ءُ ھمدردی درشان اِش کرتگ۔
زور بیگواھیں جمیل اھمد ءِ برات شپی مھمد ھم زھرشانی گدان ءَ اتکگ ءُ وتی برات ءِ زوریں بیگواھی ءِ کیس گل ءِ کِر ءَ یاداشت کرتگ ءُ گوشتگ کہ منی برات جمیل اھمد ء گلام مھمد 18 ءُ 19 اکتوبر ءِ میانی شپ ءَ سی ٹی ڈی ءِ کارمنداں چہ گس ءَ کلی نبی آباد، شال ءَ آوار جتگ ءُ بیگواہ کرتگ۔
آئی ءَ گوشتگ کہ ما پہ ایپ آئی آر ءَ سیٹلائٹ ٹاؤن تانہ ءَ شتگ ایں بلے آئی ءَ ایپ آئی آر نبشتہ نہ کرتگ۔ چہ ایشی پد ما سی سی پی او ءِ کارگس ءَ شتگ ءُ وتی برات ءِ زوریں بیگواھی ءِ کیس یاداشت کرتگ بلے داں انوں مارا آئی آوارجنی ءِ بابت ءَ ھچ وڑیں سرپدی نہ رستگ، چہ ایشی آسر ءَ مئے سرجمیں کھول جنجالانی دیمپان اِنت۔
نسراللہ بلوچ ءَ شپی مھمد دلجمی داتگ کہ گل ءِ نیمگ ءَ تئی برات جمیل اھمد ءِ کیسءَ پہ زور بیگواھیں مردماں جوڑ بیتگیں کمیشن ءُ سرکار ءَ دے ایں پہ آئی آجوئی ءَ ھمک جاہ ءَ توار چست کن ایں۔
