ڈیرہ بگٹی: سوئی ءَ سی ٹی ڈی ءِ کارمنداں دگہ دو ورنا آوار جتگ ءُ بیگواہ کرتگ۔
اھوالکار ءِ رد ءَ زوربیگواہ کرتگیں ورنایانی نام امام داد ء کرمان بگٹی ءُ جان مھمد ء دادان بگٹی اِنت کہ دوشی سی ٹی ڈی ءَ دریھان کالونی ءَ گساں بیڑ برتگ ءُ آوار جتگ ءُ بیگواہ کرتگ اَنت۔
سی ٹی ڈی ءَ بیڑ برگ ءِ وھد ءَ سے شاٹ گن ءُ جنینانی سھراں ھوار گس ءِ آدگہ گرانھادیں سامان ھم برتگ اَنت۔
ھندی بنشون ءِ رد ءَ سی ٹی ڈی ءِ ایس ایچ او اُمر کوسہ ءَ چہ ٹیکدار جما ھان ءَ ھر ماہ ءَ دہ لک کلدار ءِ لوٹ کرتگ کہ آئی زر نہ داتگ ھمے بنیاد ءَ آئی جما ھان ءِ گس ءَ بیڑ برتگ ءُ آئی برازتک آوار جتگ ءُ بیگواہ کرتگ اَنت۔
