بلوچ راجی آجوئی سنگر (براس) ءِ جارکش بلوچ ھان ءَ وتی شنگ کرتگیں درشانےءَ گوشتگ کہ براس ءِ دستیگ کرتگیں ھزدار ءِ ھند زھری ءَ زوگریں پوج ءَ پہ زوراکی ءَ آھگ ءِ جھد کرتگ کہ ایشی آسر ءَ ترندیں جنگ بندات بیتگ اَنت۔ اے جنگانی میان ءَ زورگریں پوج ءِ درزنانی کچ ءَ کارمند کشتگ ءُ براس ءِ شش سرمچار پہ سرڈگار ءِ دیمپانی ءَ شھید بیتگ۔
آئی ءَ گوشتگ کہ شھید بیتگیں سنگتانی تہ ءَ ھاپز مھمد امر بلوچ ءُ سنگت ابدلازیز بلوچ 26 ستمبر، سنگت سنا اللہ بلوچ، سنگت ابدلازیز بلوچ، سنگت راشد بلوچ ءُ سنگت پیاز بلوچ 30 ستمبر ءَ شھید بیتگ اَنت۔
جارکش ءَ گوشتگ کہ شھید سنگت ھاپز مھمد امر بلوچ پنام جانان ء نور اللہ شال ءِ جاہ منند اِنت کہ آ دو سال پیش بی ایل اے ءَ ھوار بیتگ۔ ھاپز امر وانگ ءِ وھد ءَ سیاسی زانشت دربرتگ ءُ ریاستی زوراکیانی بگیری ءَ گھگیری بندات کرتگ۔ پد ءَ بی ایل اے ءَ ھوار بیتگءُ چہ پوجی ھیلکاریاں پد بازیں کاروائیاں جوانیں کرد پیلو کرتگ۔
آئی ءَ گوشتگ کہ شھید سنگت ابدلازیز بلوچ پنام کلیم اللہ ء پیر مھمد کلات ءِ ھند کھڈی ءِجاہ منند اِنت آ پنچ ماہ پیش بی ایل اےءَ ھوار بیتگ۔ آئی جنگی سپر کم بیتگ بلےآئی چہ وتی ارادہ ءُ توکل ءَ ھمے پیش داشتگ کہ آجوئی ءِ جھد امر یا تجربہ ءِ مھتاج نہ اِنت۔
جارکش ءَ گوشتگ کہ شھید سنگت سنا اللہ پنام بٹے ھان ء پیر ولی بھٹار زھری ءِ جاہ منند اِنت۔ آ چار ماہ پیش بی ایل اے ءَ ھوار بیتگ ءُ کسانیں وھدے ءَ چہ وتی زانشت، جوزگ ءُ جنگی بودناکیاں جوانیں کردے پیلو کرتگ۔
آئی ءَ گوشتگ کہ شھید سنگت ابدلازیز بلوچ پنام مھمد ابراھیم ء ابدلھکیم کلاتءِ ھند کھڈی ءِ جاہ منند اِنت ۔ آ گھگیری سیاست ءَ سرگرم بیتگ آئی بلوچ ورنایانی تہ ءَ سیاسی زانشت ءُ راجی باسمائی ودی کنگ ءَ پہ گل ءَ چیر اندری کار کرتگ۔ رند ءَ بی یل اے ءَ ھوار بیتگ ءُ آئی آپریشناں جوانیں کرد پیلو کرتگ۔
جارکش ءَ گوشتگ کہ شھید سنگت راشد اھمد زھری پنام جمال ھان ء مھمداشرپ زھری ءِ میتگ نورگامہ ءِ جاہ منند اِنت۔ آئی نوزدہ سال ءِ امر ءَ آجوئیءِ راہ گچین کرتگءُ سے ماہ پیش بی ایل اے ءَ ھوار بیتگ۔
آئی ءَ گوشتگ کہ شھید سنگت پیاز جتک پنام شاھو ء پزل جتک زھری ءِ جاہ منند اِنت۔ آ ھمے سال ءِ جنوری ءَ بی ایل ایپ ءَ ھوار بیتگ۔ آئی جنگانی میان ءَ مدام زمہ واری پیش کرتگ ءُ دیمونی داتگ۔
جارکش ءَ گوشتگ کہ زھری ءِ اے میڑ بلوچستان ءَ برجاھیں گھگیری زرمبشت ءِ ھما درچ اِنت کہ چہ زورگریں ریاست ءِ زوراکیاں ابید نزور نہ بیتگ بلکیں ھمک شھیدی ءَ پد گیشتر مھکم بیتگ۔ زھری ءِ شھیدانی ھون پہ بلوچ راجی آجوئی جھد ءَ دگہ منانکے کہ اے زرمبشت ءَ نوکیں دروشم، نوکیں توکل ءُ نوکیں گوستانکے دیگ ءَ اِنت۔
بلوچ ھان ءَ وتی درشان ءِ گڈی ءَ گوشتگ کہ ھمے کول ءَ کن ایں کہ درسیں ھواریں گل، بی ایل اے، بی ایل ایپ، بی آر جیءُ ایس آر اے ءِ کسانیں بگیریاں مان نیار ایت ءُ یک راھبندے ءِ سر ءَ مھکم بیت۔ براس ءِ اتھاد نہ تھنا لشکری جنگ بلکیں سیاسی ءُ گل ءِ پارست ءَ بلوچ راج ءِ ھواری ءِ چیدگ اِنت کہ آ چہ دژمن ءِ درسیں پندلاں ابید انگت ءَ برجاہ بیت۔
